Mutambi wa Mamelodi Sundowns O ḓibvisa kha tshigwada tsha Bafana Bafana!
Mutsireledzi wa tshigwada tsha Mamelodi Sundowns Vho-Aubrey Modiba vho bviswa kha mitambo ya Bafana Bafana ine ya khou ḓa ya u ṱanganedza vhatambi vha khaphu ya ḽifhasi.
u bva hawe nga u ṱavhanya a si nga nwambo wa u huvhala,
fhedzi ndi ṅwambo mufumakadzi wa Modiba we a vha e tsini na u beba.
Bafana Bafana i kha vhuimo ha vhuvhili kha ḽogo fhedzi i lingana nga phoindi Rwanda,
i ḓo vha na muṱa wa Lesotho ṋamusi phanḓa ha musi i tshi ya u tamba na Benin ḽi re kha vhuimo ha vhuraru, ḽine na ḽone ḽi lingana nga phondo.
Bafana Bafana vs Lesotho (Ḽavhuṱanu ḽa 21 Ṱhafamuhwe, 18:00)
Benin vs Bafana Bafana (Ḽavhuvhili, ḽa 25 Ṱhafamuhwe, 18:00)
“Sa zwine muṅwe na muṅwe a zwi ḓivha, ri na mitambo ya ndeme phanḓa hashu. Ndi tshifhinga tsha ndeme,” ho amba Broos.
“Ndo amba na kale uri arali ra kona u swikelela gundo luvhili kha Lesotho na Benin. Ndi humbula uri ri nga dzhia vhukando vhuhulwane kha u khwalifaya . Ri tshi dovha ra dzhiela nṱha miṅwe mitambo i re kha tshigwada.
“Ri ḓo lingedza u zwi ita, nahone kha ḽiṅwe sia ri a zwi ḓivha uri heyi i ḓo vha mitambo i konḓaho ,” ho amba muhulwane wa Bafana Bafana.
Hu khou pfala uri thimu ya Kaizer Chiefs i khou lavhelesa mutamba murahu wa Bafana Yaya Sithole:
“Ngoho, tshigwada tshi kha ḓi ḓo wana vhatambi vhane vha vha ṱoḓa henefho hayani fhedzi arali vha sa koni vha ḓo ya nnḓa ha shango. Ndi ngazwo vho vusa dzangalelo ḽavho kha Yaya [Sithole].
“Vha tenda uri a nga ḓadzisa thimu zwavhuḓi vhukuma na vhatambavhukati vha zwino vha [Gaston] Sirino, [Mdu] Shabalala, [Ox] Mthethwa, [Thabo] Cele, [Yusuf] Maart na [Edson] Castillo.
Vha ḓo vha vha khou sedza uri vha nga mu ḓisa hani kha thimu.
vhalani hafhu: U tuwa ha mutambi wa TS Galaxy nga R15 miḽioni
- Source: thesouthafrican.com
- Translator: Nthaduleni Rolivhwa
