Eben Etzebeth a nga tamba kha Tshiphuga tsha Ḽifhasi tsha 2027?
Mutambi wa Springbok Eben Etzebeth o dovha a ṱangana na vhuṅwe vhuleme kha nḓila yawe ya u fhola.
Nga murahu ha minwedzi miraru o no bva luvhaḓeni nga u vhaisala.
Mutabi wa Sharks o vha i kha vhuimo havhuḓi ha u vhuyelela kha mushumo mafheloni a vhege, fhedzi a mbo ḓi i huvhala.
“Eben ha nga ḓo vha hone ino vhege,” tshigwada tsha Durban tsho khwaṱhisedza.
Ho vha tshifhinga tshi vhavhaho kha mutambi wa miṅwaha ya 33, ane a vha na vhathu vhanzhi vhane vha khou humbula arali a tshi ḓo dzhena kha Tshiphuga tsha Ḽifhasi tsha 2027.
O tamba lwau fhedzisela Nga dzi 7 Khubvumedzi, musi vha tshi tamba na Exeter Chiefs kha Champions Cup.
U fhola ha u huvhala kanzhi zwi fhela nga murahu ha vhege tharu – zwo dzhia Etzebeth lwa minwedzi miraru (na u vhala).
Mugudisi wa Sharks John Plumtree u na fulufhelo ḽa uri u ḓo vhuya mafheloni a ṅwedzi wa Ṱhafamuhwe.
fhedzi u a pfesesa uri tshiṅwe na tshiṅwe tshi nga itea, a ri,
“Ndi a ofha vhukuma u ni vhudza zwithu zwavhudi nga ha Eben, sa izwi tshifhinga tshoṱhe musi ndo no ita zwenezwo na u takusa fulufhelo ḽanga, ro fhedza ro humela murahu hafhu.
“Fhedzi u khou guda na riṋe nahone u vhonala a wavhuḓi. u ḓo tamba hu sa athu fhela ṅwedzi uno (Ṱhafamuhwe),” Plumtree o bvumba.
“A ri nga ḓo vhuya ra vhuisa muṱhannga u tavhanya ,” Erasmus o ralo nga tshenetshila tshifhinga. “Eben u fanela u swika kha vhuimo ha uri a si tsha vha na tsumbadwadze tshoṱhe.”
Nga murahu ha ṅwedzi muthihi nga murahu ha u huvhala Mutambi wa kale wa Rugby wa Springbok wa Ṅwaha tsumbadwadze dzo mboḓi vhuya, zwa engedza tshifhinga tsha u fhola hawe.
Ri fhulufhela uri ni vhona hu si kale.
“[Etzebeth o] vhuyelela kha tsumbadwadze dza vhulwadze hawe ha zwenezwino,” ho khwaṱhisedza tshigwada.
“Vha Sharks vha dzhia vhulwadze uhu sa ha ndeme, vhuḓifari ha vhatambi vhu kha ḓi vha ha ndeme kha riṋe. Eben u ḓo tendelwa u vhuya musi vho no fushea uri vhulwadze hawe ho no tandululwa tshoṱhe.”
vhalani hafhu: U rengiswa ha thimu ya Royal AM FC hu khou bvela phanḓa
- Source: thesouthafrican.com
- Translator: Nthaduleni Rolivhuwa
