kani wovha mutambo wa vho Nasreddine Nambi wa u fhedzisela?
Mutsiko u khou engedzea kha mugudisi muhulwane wa Kaizer Chiefs Vho-Nasreddine Nabi nga murahu ha u kundwa hafhu.
Amakhosi yo kundwa lwa vhuṱahe kha ligi ya khalanwaha kha Richards Bay nga Swondaha nga masiari.
Zwikoro zwivhili zwa hafu ya vhuvhili zwo ṋea Natal Rich Boys phoindi dzoṱhe tharu tshitediamu tsha King Zwelithini.
U kundwa zwo sia Kaizer Chiefs i kha vhuimo ha vhumalo nga murahu ha mitambo ya 22.
Vhuleme vhuhulwane vhu ḓo vha u sa tendelana ha tshigwada, nga maanḓa kha hafu ya vhuvhili ya khalanwaha.
Naho vho ḓisa vhatambi vhaswa vha fumi kha ino khalanwaha, Nabi ha ngo ita uri Kaizer Chiefs i vhe thimu ine ya ḓo kunda.
Vha Tunisia vho sumbedza uri tshigwada tshi kha nḓila yavhuḓi.
“Ri khou fhaṱa thimu, nahone thimu khulwane i ngaho Kaizer Chiefs a i ṱangani nga miṅwedzi ya rathi kana ya sumbe fhedzi. Zwi dzhia tshifhinga,” Nabi o ralo nga murahu ha u kundwa hafhu.
“Ri a zwavhuḓi zwine ra fanela u zwi khwinisa kha heyi thimu na heyi kilabu. Mvelelo dza mutambo muthihi a dzi nga ḓo shandula bono ḽashu,” vho engedza nga u ralo.
Amakhosi a i nga ḓo fhedza i kha zwigwada zwiraru zwa nṱha zwi tshi tevhela u kundwa hafhu kha ino khalanwaha.
Sa vhunga vhuimo ha ntha ha vhumalo vhu fhasi ha tshutshedzo, vhalanguli vha Kaizer Chiefs vha nga pandela Nabi musi khalaṅwaha i sa athu fhela.
Tshithu tshine tsha nga mu tshidza ndi Nedbank Cup fhedzi.
Amakhosi zwazwino i kha semifinals dza mutatisano uyu i nga tangana na thimu ine ya khou ṱaṱisana nayo Mamelodi Sundowns.
Mutsiko u hone nahone tshifhinga tshi do sumbedza arali mugudisi wa Kaizer Chiefs Nasreddina Nabi a tshi do tshila kha mbaḓo.
Vha Soweto giants vha khou dovha vha tamba nwedzi u daho musi vha tshi tamba na Golden Arrows.
vhalani hafhu: Tshegofatso Mabasa u amba ngaha u nangiwa kha Bafana Bafana
- Source: thesouthafrican.com
- Translator: Nthaduleni Rolivhuwa
