Tshegofatso Mabasa u amba ngaha u nangiwa kha Bafana Bafana
Mutambi uyu o vha e tshipiḓa tsha tshigwada tsha u thoma tsha vhatambi vha 37 fhedzi ho ngo khethiwa kha tshigwada tsha u fhedzisela tsha vhatambi vha 23.
Bafana Bafana i ḓo ṱangana na Lesotho tshitediamu tsha Peter Mokaba nga ḽa 21 Ṱhafamuhwe phanḓa ha musi i tshi ya Ivory Coast u ṱangana na Benin nga ḽa 21 Ṱhafamuhwe.
Thimu i ḓo ṱangana gammbani ya vhugudisi ngei Johannesburg nga ḽa 17 Ṱhafamuhwe phanḓa ha musi i tshi livha Polokwane.
Vho Tshegofatso Mabasa vho divhadza tsheo yavho ya u litsha Bafana Bafana mudavhini wa Rand nga murahu ha u guda na Pirates.
Mutambi uyu wa minwaha ya 28 o vha e kha fomo ya vhudi kha ino khalanwaha.
o kora zwikoro zwa 13 kha mitambo ya 34.
Hezwi zwi mu vhea kha zwikoro zwa 44 kha PSL zwine zwa ita uri a vhe vhukati ha vhatambi vhane vha khou ranga phanḓa kha ḓivhazwakale ya Pirates.
U khou sendela tsini na rekhodo yo vhewaho nga Vho-Benedict “Tso” Vilakazi ya zwikoro zwa 58.
Naho zwo ralo, Broos o ṋanga Iqraam Rayners, Lyle Foster, na Percy Tau sa vhatambi vhawe vha u ṱhasela kha mitambo i ḓaho.
Tshegofatso Mabasa, naho zwo ralo, ha dzhieli nṱha u bviswa hawe kha Bafana Bafana, nahone u kha ḓi ḓiimisela u dzhena khayo.
“Ndi ḓo isa phanḓa na u khokhonya muṋangoni wa Bafana… ndi zwenezwo fhedzi zwine nda ḓo ita,” o ralo.
“Ndi tsheo yawe (Broos’). Zwine nda nga ita ndi u dzula ndi tshi sukumedza sa mutambi.”
O engedza nga uri: “Ndi a livhuha uri ndi kha ḓi tamba bola ya milenzhe. Vhabebi vhanga vho nkhulisa nga nḓila yo teaho.
“Vho ita uri ndi tende kha u shuma nga maanḓa, ndi zwine nda ḓo bvela phanḓa ndi tshi zwi ita.”
Naho ho vha na u thithisea, Mabasa u kha di vha o livhisa ṱhogomelo kha mutambo wawe.
A tshi khou ṱoḓa u sumbedza uri o tewa nga tshikhala kha Bafana Bafana.
vhalani hafhu: Masilela u tutuwedza Amakhosi u saina mutambi wa Mamelodi Sundows
- Source: sabcsport.com
- Translator: Nthaduleni Rolivhuwa
