Masilela u tutuwedza Amakhosi u saina mutambi wa Mamelodi Sundows
Mutamba murahu wa kale wa Bafana Bafana Vho-Tsepo Masilela vhari thimu ya kaizer chiefs i tea u humbula nga ha u saina mutamba vhukati wa thimu ya Mamelodi sundowns Neo Maema.
Mutambi uyu wa minwaha ya 29 o tamba luthihi fhedzi kha Masandawana kha ligi ino khalanwaha.
Maema o tamba mitambo ya ligi ya ṱahe fhedzi kha khalaṅwaha nṋa,
Zwine zwa ita uri a vhe muṅwe wa vhatambi vhane vha sa shumiseswe kha PSL
Masilela u tenda uri mutamba vhukati wa Sundowns anga disa zwinwe kha Kaizer Chiefs.
Amakhosi ina mutamba vhukati mutuku vhukuma zwazwino nahone i nga vhuelwa nga u disa mutambi we a wina dzi pfufho nnzhi.
Ro vha ri tshi khou amba nga ha vhudzivha nahone ndi vhona u nga Maema ndi muṅwe wa vhatambi vhane vha nga engedza ndeme kha thimu yaṋu.
Nahone u ṱoḓe vhatambi vho no ḓivha u wina kha dzi championship.
“ ndi muthu ane a nga ḓisa tshenzhemo musi u tshi sedza miṅwaha yawe ngauri u na miṅwaha ya 29. Arali a hone nahone ndi nṋe Kaizer Chiefs, ndo vha ndi tshi ḓo ya nda mu dzhia,” Masilela kha mutamba vhukati wa Sundowns.
Amakhosi yo renga mutambi muthihi wa vhukati kha Thabo Cele nga tshifhinga tsha u rengisa vhatambi nga nwedzi wa Phando.
Vhatambi vha ngaho Mduduzi Shabalala vho takadza kha ino khalanwaha fhedzi vho shaya vhudziki ha u sukumedza Chiefs kha mitambo yo khwathaho, nga maanda kha hafu ya vhuvhili ya khalanwaha.
U saina Maema u bva kha Mamelodi Sundowns zwi nga ṋea Nasreddine Nabi zwikhetho zwinzhi kha khalanwaha i ḓaho.
Zwi ḓo dovha zwa ṋea Kaizer Chiefs tshenzhemo nnzhi.
vhalani hafhu: Vha Kaizer chiefs vha nga bvisa R183 million u renga mutambi?
- Source: thesouthafrican.com
- Translator: Nthaduleni Rolivhuwa
