Vha Kaizer chiefs vha nga bvisa R183 million u renga mutambi?
Kaizer Chiefs i do tea u badela R183 million arali i tshi do disa mutamba vhukati wa Tanzania ane avha na vhukoni.
Vhatukana vha gilama vho no fhedza miṅwedzi vha tshi khou ṱangana na mutambi wa Azam FC, Feisal Salum.
Kha mivhigo yo fhiraho, ho pfhi mutambi wa minwaha ya 26 o hana thendelano ntswa na tshigwada tsha Tanzania.
Kha nyambedzano na Soccer Laduma, muofisiri wa nyanḓadzamafhungo wa Azam FC Vho-Hasheem Ibwe ,
vho bvisela khagala uri u renga Salum zwi ṱoḓa masheleni a u swika kha R183 miḽioni.
“Musi ri tshi ri ha khou rengiswa, ri amba uri haho kha makete ngauri u kha ḓi vha na thendelano na thimu. Fhedzi arali thimu ya da ina dzangalelo la u murenga, hezwo a zwi nga ḓo vha thaidzo.”
“Kha thimu dzapo, mutengo wa u renga ndi $2.5 miḽioni fhedzi kha dzi bvaho nnḓa ha Tanzania, mutengo ndi $10m. Ri nga si kone u imisa thimu ine ya khou ṱoḓa u badela masheleni. Ndi ngazwo ri tshi dzhiela nṱha mutambi,” Ibwe o ralo.
Mutengo wa R183 miḽioni u nga wo kalula kha thimu i ngaho Kaizer Chiefs na Mamelodi Sundowns yo pfumaho vhukuma.
Naho Salum e wavhuḓi, a hu na khwaṱhisedzo ya uri u ḓo ṱavhanya u ṱanganedzwa kha Ḽigi ya Bola ya Milenzhe ya Nṱhesa (PSL).
Sundowns, ye na yone ya vha i tshi khou sedza mutambavhukati wa vhukoni, i vhonala yo no lata fhulufhelo.
U vei wamutengo wa R183 million zwi do ita uri thimu dzi ngaho Kaizer Chiefs dzi sendele kule
fhedzi thimu dza ntha dza Europe dzi do badela hezwo dzi sa timi timi.
vhalani hafhu: Maswa nga ha Sipho Mbule.
- Source: thesouthafrican.com
- Translator: Nthaduleni Rolivhuwa
