Maswa  nga ha Sipho Mbule.

Sekhukhune United yo dzudzanya khuḓano yayo na Sipho Mbule nahone o tendelwa u vhuyelela kha guda.

Hezwi zwo tevhela mavharivhari a vhuḓifari vhu si havhuḓi gammbani ya thimu ngei Durban zwe zwa ita uri a vhidzwe mushumoni vhege yo fhiraho.

Sipho Mbule we a vha o hadzimiwa kha thimu ya Mamelodi Sundowns kha Sekhukhune, hu khou pfala uri o vha na khanedzano na murado wa tshigwada tsha vhagudisi.

o sasaladza  uri ndaela dzavho na vhutsila havho zwo fhelelwa nga tshifhinga, a zwi tsha shuma kha bola ya milenzhe ya musalauno.

Kiḽaba a yo ngo bvisela khagala uri muraḓo wa vhashumi vha  vhagudisi we a ḓiwana o shoniswa nga vhatambi na vhashumisani nae ndi nnyi.

Nga ṅwambo wa zwenezwo, Mbule o xelelwa nga mutambo wa Betway Premiership musi vha shi kundwa nga 2-1 nga Richards Bay.

U kundwa honoho ho ita uri hu pandelwe mugudisi Lehlohonolo Seema, we a dzhielwa vhudzulo nga Eric Tinkler.

Sipho Mbule u do xelelwa nga mutambo wa Nedbank Cup musi vha tshi tamba na Sundowns nga nthani ha  maga a tshikolodo.

Fhedzi mutambo we wa vha wo tea u tamba stadium tsha Lucas Moripe wo fhiriselwa phanda nga nthani ha khudano ya stadium vhukati ha Safa na PSL.

Zwa zwino SABC Sport i khou vhiga uri Vho-Sipho Mbule vho vha na muṱangano wa nga ngomu, zwe zwa ita uri vha hangwelwe.

 Zwino a nga dovha a guda na thimu.

Mbule o dzhena kha Sekhukhune United lwa tshifhinga tsha mutambo nga murahu ha u sa wana jesi ya Sundowns.

U khou lavhelelwa u vhuyelela Sundowns nga ṅwedzi wa Ṱhangule

 nga nnḓa ha musi kilabu i tshi dzhia tsheo ya u mu saina lwa tshifhinga tshoṱhe.

Vha khou lavhelelwa u vha hone nga Ḽavhuraru musi Sekhukhune a tshi dalela Marumo Gallants kha mutambo wa Betway Premiership ngei Bloemfontein.

Vha Storm vha do vha vha tshi khou sedza mathomo maswa

nga fhasi ha Tinkler we a khoḓiwa vhukuma nga vhalanguli musi a tshi ḓivhadzwa nga Musumbuluwo.

vhalani hafhu: Kaizer Chiefs yo xelelwa nga tshipikwa tshihulwane?

• Source: sabcsport.com

• Translator: Nthaduleni Rolivhuwa