Kaizer Chiefs yo xelelwa nga tshipikwa tshihulwane?
Kaizer Chiefs i vhonala yo litsha u ṱoḓa ṋaledzi ya Azam FC Feisal Salum.
Mutamba vhukati wa Tanzania wa minwaha ya 27 o vha na vhutumani na zwigwada zwa Soweto Chiefs na Simba.
Sa vhunga o shuma na mugudisi wa Amakhosi vho Nasreddine Nabi, zwo vhonala unga mutamba vhukati wa vhukoni o livha Afrika Tshipembe.
Mivhigo yo amba uri Salum o hana u engedza tshifhinga tsha u dzula na Azam e na khonadzeo ya u dzhena kha ligi ya bola ya milenzhe ya nṱhesa (PSL).
Uya nga ha ramafhungo wa nṱha wa bola ya milenzhe wa Afrika Vho-Eric Ndagijimana,
tshigwada tsha Tanzania tshi khou ṱoḓa u rengisa mutambi watsho wa khwiṋe nga mutengo wavhuḓi.
Muofisiri wa nyanḓadzamafhungo wa Azam Vho-Hasheem Ibwe,
vho hanedza mafhungo a uri tshigwada tsho ḓiimisela u rengisa tshipikwa tsha Kaizer Chiefs.
“vha Azam vho no vusuludza thendelano yavho nga miṅwedzi ya 12 kana u fhira.
“Arali hu na mutambi ane ra ḓiimisela u mu vhulunga, naho nga vhutshilo hashu ndi onoyo munna Feisal.
O vhudza Soccer Laduma u ri “ Ro vha ri sa athu vhuya ra vula nyambedzano na kilabu na nthihi ngauri ha khou rengiswa.”
Salum hu khou pfala uri o saina thendelano ntswa zwine zwa khou itisa dzi kilabu dzi ngaho Kaizer Chiefs dzi si kone u renga.
Feisal Salum u na minwe minwedzi ya 17 kha thendelano yawe na Azam.
“Ro vusuludza thendelano yawe ngauri ndi tshipiḓa tsha ndeme tsha thimu,” o ralo Ibwe
vhalani hafhu: Mutambi wa Bafana Bafana Lebo Mothiba o vhuya kha Mamelodi Sundowns
- Source: thesouthafrican.com
- Translator: Nthaduleni Rolivhuwa
