u vhofhololwa ha Monnapule Saleng kha Bafana Bafana
Mugudisi wa tshifhinganyana wa Bafana Bafana Vho-Molefi Ntseki vho khwaṱhisedza kha SABC Sport uri mutambi wa Orlando Pirates
Vho-Monnapule Saleng vha vhukati ha vhatambi vhaṋa vhe vha ‘vhofhololwa’ kha thimu ya lushaka.
Bafana i khou ya u ṱangana na Egypt kha mutambo wayo wa vhuvhili wa African Nations Championships ngei Cairo nga Swondaha
Saleng, we a vha a sa athu tamba kha Pirates u bva nga Nyendavhusiku ṅwaha wo fhiraho,
u ḓo xelelwa nga lwendo nga murahu ha musi o tamba kha mutambo wa u thoma nga Swondaha yo fhiraho.
Vha sa bvisela khagala zwiitisi zwa u vhofhololwa ha mutambi wa miṅwaha ya 26 gammbani, Vho-Ntseki vho khwaṱhisedza tshanduko kha tshigwada tsha vhaendelamashango.
“Ja, Saleng a si tshipida tsha tshigwada tshine tsha do vha tshi khou ya Egypt, vhatambi vhane vha vha fhano vha do ri fha ndinganyelo ya vhudi vhukuma nahone ri khou lavhelela u fha vhanwe vhatambi tshikhala” ndi Ntseki.
Vhaṅwe vhatambi vhe vha vhofhololwa gammbani vha katela mutambi wa vhukati wa Pirates Azola Tshobeni, Nduduzo Mhlongo wa Golden Arrows, na Naledi Hlongwane wa Kaizer Chiefs.
Vho-Ntseki vho isa phanḓa na u khwaṱhisedza u engedzwa ha mutambi wa TS Galaxy Vho-Victor Letsoalo na vhatambi vhavhili vha Royal AM Vho-Mondli Mpoto na Vho-Levy Mashiane.
“Ro zwi vhona nga murahu ha mutambo uri hu na zwiṅwe zwikhala zwine ra fanela u zwi khwaṱhisa, nga maanḓa u tea u ya u tamba na Egypt ngei Egypt, ngauralo ro vhofholola vhatambi vhashu vha si gathi, na u ḓisa vhatambi vha si gathi u itela u linganisa tshigwada,” vho engedza nga u ralo.
“Ro dovha ra ḓisa Levy Mashiane, mutambi wa Royal AM na Victor Letsoalo u khwaṱhisa mmbi yashu ya zwiṱiraiki.”
“Ndi khou toda u livhuwa vhatambi vhothe vhe vha da vha tikedza, mavhonele avho na vhudikumedzeli havho zwo vha zwi zwavhudi vhukuma, fhedzi ri tea u sedza kha u linganela ha zwigwada, nga maanda kha bola ya milenzhe ya dzitshaka.”
vhalani hafhu: Mutambi wa Bafana Bafana Lebo Mothiba o vhuya kha Mamelodi sundowns
- Source: sabcsport.com
- Translator: Nthaduleni Rolivhuwa
