Mutambi wa Bafana Bafana Lebo Mothiba o vhuya kha Mamelodi Sundowns
Thimu ya Mamelodi Sundowns yo divhadza u saina mutambi wa Bafana Bafana Lebo Mothiba.
Mutambi wa minwaha ya 29, we a ita luswayo lwawe kha ḽa France, u khou ṱoḓa u khwaṱhisa ṱhase ya Sundowns ine ya vha khomboni
Kha nyanḓadzamafhungo , tshigwada tsho ṱanganedza Mothiba nga mulaedza une wa ri, “No ṱanganedzwa hayani ha Vhakundi Lebo.”
Vho engedza nga uri, “O imela Afrika Tshipembe mashangoni a nnḓa, zwino Lebo Mothiba u ṱanganela na riṋe u khwinifhadza Bafana Ba vhatshitaila!”
Kha vidio ye ya kovhelwa nga Mamelodi Sundowns, Mothiba o sumbedza u takala hawe: “Heyi ndi kilabu yanga, haya hanga, nahone ndi henefha he zwoṱhe zwa thoma hone kha nṋe. Ndi livhuwa vhukuma u vha fhano, nahone a thi koni u lindela u thoma. Vhatikedzi vha Masandawana, ndi nga si kone u lindela u tamba phanḓa ha vheiwe.”
“Dzina ḽanga ndi Lebo Mothiba, ndi a ḓihudza nga u vha muvhala wa ṱada.”
Mothiba o thoma u dzhena kha kilabu nga ṅwedzi wa Phando lwa tshifhinga tsha u gudiswa, he a takadza tshigwada tsha thekhinikhala.
Nga murahu ha minwedzi yo vhalaho a tshi khou sumbedza vhukoni hawe, zwino o saina thendelano na Sundowns lwa tshifhinga tshothe tsha khalanwaha ya zwino.
Nga zwikoro zwa 20 na u thusa vha rathi kha mitambo ya 96, matambele a Mothiba a kale a a fulufhedzisa
naho u huvhala ha magona ho no dzulela u itea zwo ita uri ene na kilabu yawe ya kale vha tendelane kha nḓila ntswa.
Vhalani hafhu: u kunda ha kaizer Chiefs kha Magesi Fc zwo alusa Glody Lilepo
- Source: Entertainmentsa.co.za
- Translator: Nthaduleni Rolivhuwa
