Klaasen wa Afrika Tshipembe o ḓi imisela u vha wa khwinesa kha ḽifhasi

Mutambi wa Afrika Tshipembe Heinrich Klaasen o vha e kha fomo ya nṱha zwenezwino, o no dzhia zwikoro zwa mahumi maṱanu kha mitambo yawe miṱanu yo fhiraho. Fhedzi mutambi wa wicket o vhea tshipikwa tshihulwane nga tshifhinga tsha Tshiphuga tsha dzitshampioni: u vha wa khwine kha ḽifhasi.

Klaasen, wa vhuṋa kha vhuimo ha ḽifhasi ha ICC ha vhatambi vha bola kha One-Day Internationals, o kora dza 64 kha bola dza 56 nga Mugivhela u thusa Afrika Tshipembe u dzhena kha semi-fainala dza Tshiphuga tsha Dzitshampioni nga u kunda England nga wikete dza sumbe.

Klaasen o vhudza vha Sky Sports nga murahu ha mutambo ngei Karachi a ri “Ndo ḓiṋea khaedu na (mugudisi muhulwane wa Afrika Tshipembe) Rob Walter kha lwendo ulwu. Ndi ṱoḓa u vha wa khwine kha ḽifhasi,”

“Ndi a zwi ḓivha uri ndi nga tamba zwavhuḓi nga nne muṋe , u sokou dzula ndi tshi i rwa fhasi lwa tshifhinga tshilapfu nga hune zwa konadzea ngaho, sa zwe nda ita madekwana a ṋamusi” ndi zwa ndeme.

“Ndo takala vhukuma nga u wina hanga madekwana a ṋamusi… ndo ima fhethu huthihi na u fulufhela thekhinikha yanga. Ndi a zwi ḓivha uri matambele anga ndi a vhuḓi, musi I tshirwa ndi a takala vhukuma.

Afrika Tshipembe i ḓo tamba na India kana New Zealand kha semi-finals nga Ḽavhuvhili kana Ḽavhuraru.

Vhalani hafhu :

Kapp wa Afrika Tshipembe u khou toda mitambo minzhi ya vhafumakadzi ya  u linga.

• Source: Reuters. com

• Translator: Nthaduleni Rolivhuwa