Vha Baby Proteas vha tanganedza u vhidziwa kha Ligi
- By Nthaduleni Rolivhuwa
Mugudisi wa Baby Proteas vho precious Mthembu vho tanganedza tshipiḓa tsha u ḓo dzhelelela kha Ligi ya Telkom Netball ya 2025.
Muphuresidenthe wa Netball vho Cellia Molekwane vho khwathisedza tshikwadi tsha vhatambi vha fhasi ha minwaha ya fumbilinthihi (21) uri vha ḓo tamba kha TNLA khalaṅwaha i ḓaho.
Vho Mthembu vha na fhulufhelo ḽa uri hezwi zwi ḓo thusa u asesa vhanwe vha tambi musi Netball Youth World Cup i sa athu swika.
Vho amba u ri “ndi zwa ndeme uri vhatambi vha fhasi ha miṅwaha ya fumbilinthihi vha tambe kha dzi TNL. Zwi ḓo thusedza uri vhatambi vhoṱhe vha vhe vha kha vhuimo vhuthihi.’
Vho ḓadzisa nga u ri “hu na zwine ra tea u zwi khwinifhadza kha madalo ashu a ubva Jamaica, fhedzi ndi takalela uri vhatambi vho vha vho ḓi imisela na u ḓi fhulufhela. Hezwi zwi rifha na fhulufhelo ḽa u bvela phanḓa.”
Vha dovha hafhu vha takalela u rangaphanḓa tshikwadi tsho ḓi imiselaho.
Vha tshi fhedzisela vho amba u ri “ vhoṱhe vhatambi vha fumbilithanu vha khou lwela uri vha ḓi wana vha khou wela kha vha fumiṱhaanu(15) vha u fhedzisela.
U ḓi nekedzela havho zwi ri thusa u dzhia tsheo yo teaho musi ri khou fhedzisa u nanga vhatambi.”
