Ntlabakanye u vhea iṱo muloro wa Springboks
By Nthaduleni Rolivhuwa
Mutambi wa Lions prop Asenathi Ntlabakanye u na u swila u ambara dzhesi ya dzi Springboks.
Naho a na muvhili muhulu a tshi lemela 150kg khae hezwo zwi tou vha tshileme fhedzi.
Milenzhe yawe I na luvhilo, zwanḓa zwawe ndi zwitete a dovha a ḓi vhea murahu.
Mbonalelo yawe ndi yone yo itaho uri vhatevheli vhawe vha mufune na u fhiwa dzina ḽa miswaswo ḽa uri jozi bulldozer.
Ntlabakanye o amba uri u ḓi badekanya hawe na vhatevheli vhawe zwi amba zwihulu kha e.
Ndo vha mutambi wa dzi Lions ubva tshikoloni, ndo fhata vhushaka na vhatevheli vhanga.
Mafhulufhulu avho ndi one ane a nṋea maanḓa musi ndi kha mutambo u konḓaho.
Musi ndi tshipfa vha tshi nkhuza musi ndikhobva u lwela bola zwi nṋea maanḓa a u dovha hafhu nda ita zwihulu.
Ntlabakanye ndi muṅwe wa vhatambi vha malo vha thimu ya Lions vhe vha vhidziwa kha khempheni ya dzi springbok ngei Cape Town.
Vhanwe vha vho ndi vho Renzo du Plessis, Francke Horn, Ruan Venter, Quan Horn, Edwill van der Merwe, Morne van den Berg, na Henco van Wyk.
Kha Ntlabakanye hezwi ndi tshikhala tshihulwanesa.
U alutshela hawe kha lushaka lu no shaya ngei tsini na Plettenberg Bay, wo vha u ngasi humbule uri u nga tambela mabokoboko fhedzi zwino zwi a konadzea.
O amba ari upfa o shudufhadzea uri o kona u vhoniwa vhukoni hawe.
“Arali ra tamba zwavhuḓi sa thimu, munwe na munwe u a livhuwiwa.
“Ndo vha ndi khempheni nwaha wo fhelaho nda guda zwinzhi haningei.
“Zwino ndi khou lavhelela u aluwa u fhira hafha hune ndavha hone. Tshipikwa tshanga ndi u ḓi wana ndi khou tambela Springbok.”
U na fhulufhelo ḽa uri u shuma zwavhuḓi ha thimu zwi ḓo vha vulela dzi ndila.
“Ṅwaha wo fhelaho vhatambi vhararu kana vhaṋa vha Lions vho dzhiiwa kha dzi Springboks.
Vha dovhe vha vhale: Vho Downs, Bucs na vho Stellies vha tshi yo ḓivha vha ne vha khou yo imedzana navho kha Caf
“Hezwo zwo tutuwedza rothe, zwino ri na vhanwe vhatambi vhanzhi vho yaho khempheni. Ndi fhulufhela ur tshivhalo tsha vhatambi tshi ḓo dzulela u engedzea.”
