Durandt u imelela Chauke uri a kunde Malijika

Vhagudisi vha tamba tshipiḓa tshihulu kha muṱatisano wa zwa mavili, fhedzi vhalwi vha a balela u thetshelesa tsivhudzo ya vhadudisi vhavho musi vha nndwani. 

Adrenaline na dopamine zwi vha zwo dzhia ndango zwa ita uri vha kondeliwe u ita zwine vha vhudziwa zwone.

Mbudziso I tshe yeneiḽa: kani vhagudisi vha matungo a rinngi hu tovha ndowelo fhedzi?

Phindulo ri ḓo I wana nga dzi 1 dza ṱhafamuhwe musi Jackson Chauke a tshi imelela tshiphuga tshawe tsha IBO flyweight kha Riciardo Malajika ngei Emperors palace.

Khona ya Chauke i ḓo vha yo rangwa phanda nga Domien Durandt ngeno Manny Frernandes a tshi ḓo vha mugudisi wa Malajika. 

Durandt u thonifha nyaluwo ya malajika fhedzi a themba chauke uri u na maanḓa.

Durandt o amba a ri “a thi kholwi uri Malajika a nga rwa Chauke. 

“Jackson o nolwa kha vhuimo ha nṱha, u na tshipirioni tsha vhukuma kha zwa ulwa na kha u tsireledza tshiphuga tshawe.

Chauke o nolwa na vho makone, o noya mashango ḓavha o no wana na zwiphuga zwinzhi. U na bannda ḽa WBC internetional na ḽa IBO.

Durandt u khoḓa vhubvo ha Malajika fhedzi u topola zwivha fhambanyisaho.

“u tshe mutuku a dovha a vhana vhukona fhedzi ha thu vhibva sa chauke. Jackson u ya kona u lwa a dovha a kona u humbula musi a rinngini.”

Fernandes ene u vhona vhukoni kha Malijika. U amba u ri “Jackson ndi zwone o no shuma zwavhuḓi na uri u na tshipirioni tshinzhi kha zwa mavili fhedzi minwaha yawe ya fuiṋa (40) ndi yone i ne i nga mu khakhisa.”

Fernandes vho engedza ḽa u ri “ Malajika u khou vha na nyaluwo nahone nga tshifhinga tsha vhuḓi.

Vha dovhe vha vhale: U rengiswa ha thimu ya Royal AM hu tsini nau swika magumoni

Nndwa I ḓo vha I khou linga uri muswa a nga kona u kunda tshipirioni kana arali tshikili tsha Chauke na vhuṱali hawe hu tshi ḓo sumbedza maanḓa na.